Zumaiako irakurle taldeak irailean ekingo dio ikasturte berriari
Datorren hilaren 12an, “Irakurri matte” Zumaiako irakurle taldeak ikasturte berria hasiko du eta lehen saioan landuko duten obra Leire Ibargurenen “Laura esaten zioten: Miren Odriozolaren borrokak” liburua izango da. Ohikoa den bezala, Alondegian bilduko da taldea, irakurketak bakoitzari zer ekarri eta iradoki dion partekatzeko.
Hona hemen, irakurle taldearen udazkeneko egitaraua.
IRAILAK 12 |
Laura esaten zioten (Miren Odriozolaren borrokak) Miren Odriozola eta Leire Ibargurenekin |
URRIAK 10 |
Maleta (Sergei Doulatov) |
AZAROAK 14 |
Nola heldu naiz ni honaino? Kattalin Minerrekin |
ABENDUAK 12 |
Lapur banden etika ala politika (Joseba Sarrionandia) |
Amaitzeko, gogorarazi irakurle taldean parte hartu nahi duen orok ateak irekita dituela beti. Animatu!