Aurten ere egin errenta aitorpena euskaraz
Urtez urte errenta aitorpena euskaraz egiten dutenen kopuruak gora egiten du, eta % 25eko langa gainditzea izango da 2019ko kanpainaren helburua. Hiru bide daude aitorpena egiteko eta guztietan erabil daiteke euskara: Autolikidazio proposamena, mekanizatua, internet bidezkoa eta aitorpena euskaraz egiten lagunduko dizute Zumaian AM aholkulariak, Unanue aholkulariak eta Zumai aholkularitza.
Zumaiako Udalak ERRENTA AITORPENA EUSKARAZ egiteko kanpaina jarri du aurten ere martxan, UEMArekin elkarlanean. Horrela, euskarari bide berriak irekitzen zaizkio eta, bide batez, administrazioaren euskalduntzea ere bultzatzen da.
Urtez urte kopuruak gora egiten du, eta % 25eko langa gainditzea izango da 2019ko kanpainaren helburua. Hona hemen aurreko urteetako datu batzuk:
|
|
2018an |
2016an |
2014an |
2012an |
|
Aitorpena egin zuten zumaiarrak |
5.105 |
4.946 |
4.954 |
5.056 |
|
Foru Ogasunarekin harremanak euskaraz izan daitezela eskatu zutenak |
1.296 (% 25,38) |
1.212 (% 24,50) |
1.000 (% 20,19) |
920 (% 18,19) |
Hiru bide daude aitorpena egiteko eta guztietan erabil daiteke euskara:
- Autolikidazio proposamena
- Mekanizatua
- Internet bidezkoa
Udaleko Euskara Zerbitzua harremanetan jarri da errentaren aitorpena egiten duten aholkularitza zerbitzuekin eta bat egin dute kanpainarekin; mahai gaineko txartel batzuen bidez adieraziko dute euskaraz egiteko aukera, eta kartelak ere jarriko dira hainbat lekutan herritarrak horretara gonbidatzeko.
Zumaian toki hauetan lagunduko dizute aitorpena euskaraz egiten:
|
AM aholkulariak |
Ardantzabidea 16, behea |
943 862609 |
|
Unanue aholkulariak |
Erribera kalea 6 |
943 860960 |
|
Zumai aholkularitza |
Amaia plaza 15 |
943 862624 |
Hala ere, kontuan hartuta gaur egun herritar gehienek autolikidazio proposamena jasotzen dutela, horri eman nahi izan zaio aurten garrantzia. Autolikidazioa onartzerakoan (telefonoz deituta edo internet bidez) euskaraz nahi duzula esanez gero, hortik aurrera hala etorriko zaizkizu Ogasunaren komunikazioak. Apirilaren 3tik aurrera hasiko da Aldundia proposamen horiek bidaltzen. Beste bi modalitateetan kanpaina apirilaren 15ean hasi eta uztailaren 1ean amaituko da. Argibide gehiago Ogasunaren webgunean.
Errenta aitorpena egiteko aukerekin eta hitz teknikoen zerrendarekin irudi hau osatu du UEMAk.
2019ko errenta aitorpenean ere % 25eko langa gainditzeko prest?
