“Ongi etorri euskararen herrira” proiektua aurkeztuko dute Fitur Nazioarteko Turismo Azokan
Ostiralean aurkeztuko du Gipuzkoako Foru Aldundiak euskara ardatz duen proiektu turistikoa. Gaur, hilak 22, Iñaki Ostolaza Zumaiako alkatea eta Esti Irureta Turismo teknikaria Madrilen izan dira, Urola Kostako Udal Elkarteko eta Geoparkeko ordezkariekin batera.
Gaur abiatu da Fitur Nazioarteko Turismo Azoka, Madrilen. Turismo alorreko erakunde, enpresa eta eragile ezberdinak biltzen dituen azoka da Fitur eta bertan izan dira Zumaiako ordezkariak ere.
Iñaki Ostolaza Zumaiako alkatearekin eta Esti Irureta Zumaiako Udaleko turismo teknikariarekin batera bisitatu dute azoka Lourdes Salsamendi Urola Kostako Udal Elkarteko zuzendariak, Geoparkeko ordezkariek eta eskualdeko hainbat alkate eta teknikarik. Haiekin izan dira Sonia Perez Eusko Jaurlaritzako Turismo, Merkataritza eta Kontsumoko sailburua; Imanol Lasa Gipuzkoako Aldundiko Sustapen ekonomikorako, turismoko eta landa garapenerako diputatua; eta Iker Goiria Aldundiko turismo arloko zuzendaria, besteak beste. Turismoaren arloan lan egiten duten zumaiarrekin ere elkartu dira ordezkariak.
Euskararen herria
Aurkezpen ugari izan ohi dira Fitur Azokan, eta aurtengoan, Urola Kostan azken urteotan elkarlanean landutako proiektua aurkeztuko dute: “Ongi etorri euskararen herrira” egitasmoa. UEMA Udalerri Euskaldunen Mankomunitatearekin batera landu dute proiektua eta helburua euskararen berezitasuna balioan jarri eta honakoaren erakargarritasun turistikoa indartzea da.
Proiektua Gipuzkoako Aldundiari aurkeztu ostean, honakoak bere gain hartu du egitasmoa, Urola Kostan proiektu pilotu moduan abiatzeko. Hala, Gipuzkoako eskaintza turistikoaren baitan aurkeztuko dute aurtengoan “Ongi etorri euskararen herria”. Ostiralean, hilaren 24an, goizeko 11:30ean izango da aurkezpen saioa.
Albiste erlazionatuak
Euskara
- Aurten ere egin errenta aitorpena euskaraz 2024/04/02
- Ohiko osoko bilkura egingo dute ostegun honetan 2024/03/19
- Zumaiako haurren hizkuntza ohiturak, adimen artifiziala eta kirol mundua izango dituzte hizketagai 'Euskara, bestela ez gara' hitzaldi zikloan 2024/02/02
- Iñaki Beobide Agirrezabalaga, gugan bego 2024/01/16
Turismoa
- San Telmo ermita ezagutzeko bisita gidatuak izango dira udara osoan zehar 2023/07/11
- TAOren udako aldia ekainaren 15ean hasiko da 2023/06/14
- Beste 600.000 euro lortu ditu Zumaiako Udalak, besteak beste, Algorri Interpretazio Zentroa eraberritzeko 2023/05/10
- 5,2 milioi euroko dirulagutza lortu du Geoparkeak, besteak beste, Moilaberrin turismo bulego berria egin, eta Algorri Interpretazio Zentroko museoa eraberritzeko 2022/12/16
Kultura
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Sanpedroetako artisau azokan parte hartzeko deia zumaiarrei 2024/04/18
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
- Herriko jaietan ekitaldiak antolatzeko dirulaguntzak eskatzeko epea zabalik 2024/03/06