Brigadako bi ofizial igeltsero eta ofizial iturgin bat behin betiko izaeraz kontratatuko ditu Zumaiako Udalak
Hiru lanpostuak betetzeko hautaketa prozesuak martxan daude dagoeneko. Lanpostuak behin betiko izaeraz izango dira eta oposizio-lehiaketa librearen bidez esleituko dira. Izen-ematea otsailaren 7tik martxoaren 6ra bitartean egongo da zabalik.
Brigada indartzeko eta udal zerbitzuak hobetzen jarraitzeko asmoarekin, bi ofizial igeltsero eta iturgin bat behin betiko izaeraz kontratatuko ditu Zumaiako Udalak. Bi deialdiok 2023ko Lan Eskaintza Publikoaren barruan daude jasota, eta, brigadaren eguneroko lanak erraztea eta espazio publikoen mantentze-lanak eraginkorrago bihurtzea dute xede.
Horiek horrela, Zumaiako Udalak hiru langile berri behin betiko izaeraz gehituko ditu brigadara:
-
Bi ofizial igeltsero plaza: C2 mailan kokatutako lnapostuak dira. Igeltseroen zereginen artean daude espazio publikoetako eta eraikinetako mantentze- eta konponketa-lanak, hala nola zoladurak, eraikuntza berriak eta seinalizazio-lanak. Euskararen 2. hizkuntza-eskakizuna eta B gidabaimena eskatzen dira.
-
Ofizial iturgin plaza bat: C2 mailan kokatutako lnapostua da. Iturgintzako ofizialak ur-horniduraren eta saneamenduaren sareetako mantentze- eta hobekuntza-lanak egingo ditu, eta eraikinetako ur-instalazioen konponketak burutuko ditu. Hizkuntza-eskakizuna (2. maila) eta B gidabaimena ezinbestekoak dira.
Deialdia Estatuko Boletin Ofizialean argitaratu ondotik, dagoeneko zabalik daude bi prozesuak. Izen-ematea otsailaren 7tik martxoaren 6ra bitartean egin beharko da.
Bi prozesuen inguruko informazio guztia zumaia.eus webguneko "Lan eskaintza publikoa" atalean kontsultatu daiteke. Horrekin batera, izen-ematea errazte aldera, honako dokumentuak eskuragarri jarri dituzte:
> Lan eskaintza publikoa
Albiste erlazionatuak
Lan eskaintza publikoa
- Udazaintza zerbitzuan aritzeko hezitzaileen hautaketa prozesuaren barruan behin-behineko onartu eta baztertuen zerrenda ikusgai 2025/04/25
- Brigadako bi ofizial igeltsero eta ofizial iturgin bat kontratatzeko prozesuaren barruan, behin behineko onartu eta baztertuen zerrendak eta epaimahaien izendapenak ikusgai 2025/04/16
- Ikusgai daude kordinatzaileen behin betiko onartu eta baztertuen zerrenda, eta merituen behin behineko balorazioa 2025/04/15
- Ikusgai daude udalekuetako begiraleen hautaketa prozesuko behin betiko onartu eta baztertuen zerrenda eta behin behineko merituen balorazioa 2025/04/02