Olarro Eguneko Argaki Rallyaren izen-emate eta oinarriak
Olarro Egunarekin batera, argazki rallyaren XIV. lehiaketa egingo da aurten. Parte hartu nahi duten guztiek Oxford aretoan izena eman ahal izango dute larunbatean bertan, hilak 15, goizeko 09:00etatik 10:00etara bitartean.
Edonola ere, izena emateko orduan, helduek 10€ ordaindu beharko dituzte eta herri bazkarirako txartel bana oparituko zaie; 16 urtetik beherakoek doan parte hartu ahal izango dute eta hauek Zumaia elkarteko establezimenduetan gastatzeko 10€ko txartela jasoko dute sari banaketaren ondoren.
Aurtengo argazki rally-aren gaia Olarro Eguna bera izango da eta lehiakideek eguerdia bitarte atera ahal izango dituzte argazkiak, betiere Zumaiako udalerriaren mugen barruan. 13:00etatik 14:00etara Oxford aretoan irudiak deskargatzeko aukera izango dute –gehienez 4 argazki, horietako bat parte hartzailearen aurpegiarena.
Irabazleak argazkilari ospetsuz osatutako epaimahaiak erabakiko ditu eta sari banaketa egunean bertan egingo da, arratsaldeko 18:00etan Oxford aretoan.
Sari hauek banatuko dira adin nagusikoen artean:
- Lehen bilduma: 200€ eta garaikurra
- Bigarren bilduma: 150€
- Hirugarren bilduma: 120€
- Lehen zumaiarrarentzat: 100€
