Albisteak
2019ko «Udaleku irekietarako» koordinatzaileak lehiaketa bitartez kontratatzeko deialdiaren inguruko informazioa
Behin betiko onartuen eta baztertuen zerrenda eta merituen eta elkarrizketen balorazioa argitaratu dira. Balorazioen erreklamazio epea maiatzaren 2an amaitzen da.
Joan den asteburutik martxan dira dagoeneko atrakzioak Gernika pasealekuan eta Santelmoak pasa bitarte bertan egongo dira
Orain aste gutxi esleitu ziren atrakzioak jartzeko kontratuak eta esleipeneko pleguen baitan, atrakzioen prezioa 1,8 eurotan ezarri da datozen 2 urteetarako, beste bi urte luzatzeko aukerarekin.Zumaiar askoren eskura ez zeuden prezioak ikusirik, Udalak 2016an portuko zuzendaritzarekin eta atrakzioen jabeekin, sinatutako akordioaren baitan atrakzioen fitxak euro bat merkatu ziren.
Gaurtik aurrera salgai egongo dira Santelmoetako pilota jaialdiko sarrerak
Sarrerak internet bidez jarriko dira salgai gaur 15:00etan, https://proticketing.com/pelotavasca/eu_ES/tickets webgunean. Apirilaren 29an, 17:00etan, jokatuko den pilota jaialdirako sarreren prezioa 20 euro eta 30 euro bitartekoa izango da.
Zumaiako Udaleko udaltzain postu bat behin-betiko izaeraz betetzeko Polizia eta Larrialdietarako Akademiaren 2019ko deialdia argitaratu da
Zumaiako Udalak Polizia eta Larrialdietarako Akademiarekin sinatutako hitzarmena dela-eta, azken erakunde honek garatuko du 2019an ere lan eskaintza honen deialdi zein prozesua. Hautaketa-prozedura honetan parte hartzeko eskabideak Polizia eta Larrialdietako Euskal Akademiaren webgunean ww.arkauteakademia.eus eskura dagoen eredu ofizial eta normalizatuan aurkeztuko dira. Eskabidean adieraziko da zein hizkuntzatan (euskaraz edo gaztelaniaz) egin nahi diren oposizio-faseko ariketak. Eskabideak egiteko epea zabalik egongo da apirilaren16tik maiatzaren20a arte.
Euskal Kostaldeko Geoparkeak bisita gidatuen programa berria emango du ezagutzera Bilboko Basque Fest jaialdian
Aurten ere, Euskal Kostaldeko Geoparkeak Bilboko Basque Fest jaialdian parte hartuko du, apirilaren 18tik 20ra. Bisita gidatuak zozkatuko ditu egunero Areatzako “Txoko Gourmet” espazioan bere standera hurbiltzen diren bisitarien artean.
Hilaren hasieratik Electricidad Cuadra enpresa Zumaiako argiteria publikoan LED teknologiako argiak jartzeko lanetan dabil
Narrondo Ibaiaren alboetan, Basadin, Aita Marin eta Alain, Estazio auzoko industrigunean eta alde zaharraren zati batean, Txomin Agirre Kaia, Julio Beobide eta Amaia eta Ondartxo plazetan, besteak beste, ordezkatuko dira argiak. Guztira 841 argi ordezkatuko dira eta honi esker, elektrizitate gastuan %77 aurreztuko da eta urtean 421.569 KWh gutxiago kontsumitzeaz gain, 166,57 Tn CO2 gutxiago isurtzea lortuko da.
Datorren asteartean memoria historikoaren inguruko ekitaldia izango dugu, Aranzadiren hitzaldia eta Zumaiena ikastetxeko ikasleek egindako “ZUTANI” dokumentalaren proiekzioa Aita Marin
Ekitaldian Paco Etxeberriak hartuko du parte eta ondoren banatuko dira “Zumaia 1936-1945: giza eskubideen urraketa eta errepresioa gerra zibilean eta lehen frankismoan”, memoria historikoaren inguruko liburuak. Ekitaldira joateko gonbidapenak ostiraletik astearte eguerdira bitarte jaso ahal izango dira Alondegian -astelehenetik ostiralera 9:30etik 14:00etara- eta Turismo bulegoan - ostirala eta larunbata 10:00etatik 14:00etara eta 16:00etatik 18:00etara; igandea eta asteartea 10:00etatik 14:00etara eta astelehena itxita-.
Turismo bulegoan, turismo teknikari-laguntzaile lanposturako deialdia - Merituen behin behineko balorazioa eta elkarrizketa egiteko deialdia
Turismo bulegoan, turismo teknikari-laguntzaile lanpostuan aldi baterako kontratazioak egiteko lan-poltsa sortzeko deialdian, merituen behin behineko balorazioa eta elkarrizketa egiteko deialdia argitaratu dira.
Atzo banatu ziren 36. San Telmo literatur lehiaketako sariak
Sari banaketa ekitaldia atzo 18:00ean egin zen Aita Marin eta urtero bezala, herriko gazteek ohiko maila bikainari eutsi diote ipuin, bertso, olerki eta ahozkoen mailan.
Basadiko ur saneamenduan egin diren hobekuntzek afekzioa izan dute sarean eta afekzio horri behin betiko irtenbidea emateko lanean ari da udala
Basadin, erortzen ari zen eskoilera bat berritzeko lanetan, eskoilera bota eta berritzeaz gain, banandu gabe ur zikinak eta euri urak ibaira isurtzen zituen hodi bat ur zikinen sarera bideratzeko lanak egin dira.
2019 Gorte Nagusietarako hauteskundeetarako sekzio aldaketa
Hauteskundeetan orain arte ARDANTZABIDEAn bizi direnek PENTSIODUNEN EGOITZAN 1. sekzioan izan dute botoa emateko aukera. Datozen hauteskundeetatik aurrera aldaketa izango da, eta ARDANTZABIDEKO hautesleek PENTSIODUNEN EGOITZAN 4. sekzioan (2. solairuan) eman ahal izango dute botoa.
Gaurtik hasita eta apirilaren 15a bitarte, udal hauteskundeetarako zerrenda agerraldian dago
Zerrendetan behar ez bezala sartua edo kendua dagoela ikusten duen edonork erreklama dezake Udal bulegoetan APIRILAREN 8tik 15era bitartean
Itzurun hondartzako taberna/kafetegia, komunak eta dutxak kudeatzeko zerbitzua prozedura ireki bidez esleitzeko deialdia zabalik
Prozedura ireki bidez kontratatuko den esleipen honetara pleguen baldintzak betetzen dituen edonor aurkeztu daiteke eta horretarako epea apirilaren 16an amaituko da. Kontratua hiru urtetako denboraldietarako esleituko da.
Kiroldegi alboko padel pista estaliak erabilgarri daude dagoeneko
Estalkia jartzeaz gain zenbait hobekuntza egin dira, paretak leundu eta neurriak araudira egokitzeko. Bazkideek aste beteko epearekin egin ahal izango dute pistak erabiltzeko eskaera eta bazkide ez direnek egunean bertan, bi kasuetan kiroldegian.
Udaleku orokorretan eta Udazaintza zerbitzuan izena emateko epea astelehenean zabalduko da
Matrikulazio epea zabalik egongo da maiatzaren 6a bitarte.
Udaleku musikaletan izena emateko epea astelehenean zabalduko da
Matrikulazio epea zabalik egongo da maiatzaren 6a arte, taldea osatu bitartean
Uxategia eta Ubillos atzeko lokalak entseguetarako erabiltzeko izen-emate epea datorren astean zabalduko da
Interesdunek apirilaren 10etik 26ra bitartean izango dute eskaerak aurkezteko epea.
Gazteen apustuei buruzko hitzaldia eskainiko du Ana Isabel Estevezek Guraso Eskolaren programazioaren baitan
¿Por qué apuestan las y los jóvenes? hitzaldia, gaztelaniaz izango da, apirilaren 10ean, 18:30ean, Alondegian. Hitzaldiak helburu du, gazte eta nerabeen artean kirol apustuetarako joeraren gorakadak dakartzan arazoen inguruan hausnartzea.
Berdintasun Foroa ostegunean
Ostegunean, apirilak 4, 18:00etan, Alondegian izango da Berdintasun Foroa.
Geoparkeak 2019ko bisita gidatuen denboraldi berriari ekin dio
Denboraldi berriari hasiera emanez, ia 40 lagunek parte hartu zuten atzo igandez Geoparkeak antolatutako doako irteera gidatuan. Geoparkea ezagutzeko 17 bisita gidatu desberdin daude aukeran, oinez edota itsasontziz; nabarmentzekoa da Deba eta Zumaia arteko itsas irteeren maiztasuna handitu egin dela, GR-121 ibilbidea oinez egin nahi dutenentzat abiapuntura itzultzeko aukera bikaina. Geoparkearen webgunean – geoparkea.eus - kontsulta daiteke egutegi osoa eta erreserba online egin daiteke bertan.
«Udazaintza zerbitzurako» hezitzaileen aldi baterako kontratazio laboralak lehiaketa sistemaren bitartez egiteko deialdia
2019ko Udazaintza Zerbitzurako hezitzaileak kontratatzeko deialdi publikoan parte hartzeko epea irekitzen da: apirilaren 2tik 21era bitartera arte (biak barne). Txanda bakarraren kasuan lan eginez gero, kontratuaren iraupena ekainaren 26tik uztailaren 12 arte (biak barne) izango da, edo, bi txanden kasuan lan eginez gero, ekainaren 26tik uztailaren 26arte (biak barne). Lanaldia, Udalak aipatutako programari aurre egiteko beharrak kontuan izanik ezartzen duena izango da.
Aurten ere egin errenta aitorpena euskaraz
Urtez urte errenta aitorpena euskaraz egiten dutenen kopuruak gora egiten du, eta % 25eko langa gainditzea izango da 2019ko kanpainaren helburua. Hiru bide daude aitorpena egiteko eta guztietan erabil daiteke euskara: Autolikidazio proposamena, mekanizatua, internet bidezkoa eta aitorpena euskaraz egiten lagunduko dizute Zumaian AM aholkulariak, Unanue aholkulariak eta Zumai aholkularitza.
Gaur egin da udal batza aretoan hauteskundeetarako mahaien zozketa
Gaur goizeko 8etan, Zumaiako Udalaren udal batza aretoan, egin da apirilaren 28an ospatuko diren Gorte Nagusietarako hauteskunde mahaien zozketa
Ezohiko eta presazko osoko bilkura astelehenean, apirilak 1
Astelehenean, apirilak 1, goizeko 8:00etan egingo da ezohiko eta presazko osoko bilkura, gorte nagusietarako hauteskundeetarako mahaien zozketa egiteko
2019ko «Udaleku irekietarako» begiraleak eta koordinatzaileak lehiaketa bitartez kontratatzeko deialdia. Onartu eta baztertuen behin-behineko zerrenda, erreklamazio epea eta tribunalaren izendapena.
Erreklamazioak eta falta den dokumentazioa aurkezteko epea, apirilaren 1etik 12ra.
Gaur Zumaiako udal batzak aparkamenduaren ordenantzaren bigarren aldaketa, Zumaiako kale-izendegiaren eguneratzea eta hilerriaren funtzionamendurako araudiaren aldaketa onartu ditu, besteak beste.
Nahiz eta egoiliarrak ez izan, Zumaian lan egiten zuten pertsonek, orain arte hirigunean aparkatzeko txartela eskuratzeko aukera zuten eta gaur behin behinean onartutako aldaketaren baitan, hirigunean aparkatu ordez, aurrerantzean Axular zein GKNko gune urdinetan aparkatu beharko dute. Kolunbarioa erabiltzen hasi ahal izateko onartu beharreko Zumaiako Udaleko udal hilerriaren erregimen eta funtzionamendurako araudiaren aldaketaren ere onartu da behin behinean eta agerraldi publikoa bukatu ondoren, alegaziorik ezean, behin betiko egongo da onartuta eta kolunbarioa martxan jarri ahal izango du Udalak.
Aholkusex zerbitzua bihar arratsaldean Brankan
Doako sexu aholkularitza zerbitzua Brankako bulegoan jaso ahal izango dute zumaiarrek arratsaldeko 18:00etatik 20:00etara bitartean. Zerbitzuaren helburua da zumaiarren kezka eta beharrei erantzuna ematea eta herritarrei harremanak, parekidetasuna eta sexualitatearen inguruan euskarriak eskaintzea
Itzurun eta Santiago hondartzetan uretako kirol jarduerak egiteko arauak (2019)
Bi hondartzen zabalera eta egitura kontuan hartuta, jarduerak eskainiko dituzten enpresak mugatu behar dira. Hau horrela, aurkezten diren eskolen txostenak aztertu ondoren hurrenkera bat egingo da eta puntuazio altuena lortzen duten laurek izango dute jarduera egiteko aukera. Eskaerak maiatzaren 31a baina lehen aurkeztu beharko dira Zumaiako Kirol Patronatuko erregistro orokorrean (Basadi auzategia 16).
Ostegunean, martxoak 28, ohiko osoko bilkura egingo du Udalak
Osoko bilkura arratsaldeko 18:00etan izango da, udaletxeko areto nagusian.
Turismo bulegoan, turismo teknikari-laguntzaile lanpostuan aldi baterako kontratazioak egiteko lan-poltsa (Lanbideren bidez)
Turismo bulegoan, turismo teknikari-laguntzaile lanpostuan aldi baterako kontratazioak egiteko lan-poltsa sortzea. Hautaketa prozesua lanbideren bitartez egingo da baina merituak baloratzeko egiaztagiriak Zumaiako Udalean aurkeztu beharko dira. Prozesuan parte hartzeko izen-emate epea: Apirilak 4