Aniztasuna saretzen jarraitzeko bilera gehiago
Ostiraleko World kafea giro onean joan zen. Kafe eta pasten aitzakian, 25 bat herritarrek hartu zuten parte eta elkarrekin galdera ezberdinei erantzuteko ariketatxoa. Eragile ezberdinekin beste bilera errondatxo bat egingo da azaroan, lehenengoa gaur bertan, hilak 5, hezkuntza, aisia eta kirol eragileekin. 18:30ean, Alondegian izango da bilera.
Aniztasuna lantzen ari da Zumaiako Udala azken hilabeteotan. Bi ikerketaren ostean, herriko eragileekin hainbat bilera egin zituen urrian, eta lehen bilera erronda horri bukaera emateko pasa den ostiralean, urriak 31 World Kafea egin zen Alondegiko plazan.
World Kafea giro onean joan zen. Jatorri, identitate eta kultura ezberdinetako herritarrak bildu ziren bertan, eta pastak eta kafea aitzakia hartuta mahai baten bueltan bildu ziren hiru galderari elkarrekin erantzuteko asmoz. Proposatutako hiru galderak erantzun ostean, talde guztietan hitz egindakoa elkarbanatzeko unea izan zen.
World Kafearen ostean, arlokako beste bilera bana egingo da, aurrera begira aniztasuna lantzeko egin daitekeenaz hitz egiteko.
Bileren egutegia
Azaroak 5, asteartea
Hezkuntza, kirola eta aisialdiko eragileekin bilera.
18:30ean, Alondegian
Azaroak 11, asteartea
Gizarte gaietako eragileekin bilera
18:30ean, Alondegian
Azaroak 12, asteazkena
Kultur Eragileekin bilera
18:30ean, Alondegian
World kafea, argazkitan
