Bihar, maiatzak 7, Berdintasun Plana osatzeko bilera irekia izango da
Bihar, maiatzak 7, 18:00etan Alondegian egingo da bilera. Herritar eta eragile orori irekitakoak dira bilerak.
Apirilaren hasieran ekin zitzaion Bigarren Berdintasun Plana osatzeari. Orduan egin zen herritarrekin lehen bilera irekia, eta bilera horretan adostu bezala, bihar, maiatzaren 7an 18:00etan egingo da bigarrena. Bilerak, herritar orori irekiak dira.
Lehen bileran, besteak beste, sentsibilizazioa lantzeko hainbat ariketa egin ziren. Bigarren bileran, berriz, ebaluazioaren ondorio nagusiak azaldu, eta etorkizunerako erronkak edo berdintasun planaren helburuen oinarri izango direnak lantzeari ekingo zaio. Bilera horietara herritar oro gonbidatuta dago, izan ere plan hau herriak egindakoa izatea lortu nahi da. Hau da, herriko gaur egungo errealitatetik abiatu eta etorkizuneko erronka errealak zeintzuk diren zehaztu nahi da. Horrela indarguneak eta ahulguneak detektatuz, erronkei aurre egiteko.
