Euskara ikasten aritu direnentzat diru laguntzak

1. DIRUZ LAGUNDUTAKO EUSKARA-IKASTAROAK

Ohiko ikastaroak, ikastaro trinkoak edo barnetegietakoak lagunduko dira diruz, aurrez aurrekoak nahiz autoikaskuntza eta internet bidezkoak.

2. BALDINTZAK

• Zumaian erroldatuta egotea.
• %80ko asistentzia edo aprobetxamendua egiaztatzea, gutxienez.

3. LAGUNTZAK

Ohiko ikastaroak

Langabeek: matrikularen %100

Gainerakoek: matrikularen %75

Ikastaro trinkoak eta barnetegiak

Langabeek: eskola-orduen matrikularen %75  (gehienez 600 €)

Gainerakoek: eskola-orduen matrikularen %50 (gehienez 450 €)

Ikastaro trinkoak dira egunean 3 ordutik gorako ikastaroak (3 ordukoak barne). Barnetegietan ez dira ostatu-gastuak diruz lagunduko.

Autoikaskuntza

Langabeek: matrikularen %100 (gehienez 600 €)

Gainerakoek: matrikularen %75 (gehienez 450 €)

Oharra: Ikaslea langabea edo Gizarte Zerbitzuen erabiltzailea izanez gero, baldintza berezi horiei dagokien ehunekoa aplikatuko zaio egoera horretan egindako denbora tarteari. Bi egoera horiek behar bezala egiaztatuko dira, langabezia-txartelarekin eta Gizarte Zerbitzuen ziurtagiri edo txostenarekin.

4. ESKABIDEAK EGITEKO EPEAK

- Uztailaren 1etik 15era bitartekoa, ohiko ikastaroetarako (ikasturtean zehar egindakoak).

- Urriaren 1etik 15era bitartekoa, udako ikastaro eta barnetegietarako.

5. BESTE DIRU-LAGUNTZAK

Udalaren diru-laguntza bateragarria da beste diru-laguntzekin, betiere gainfinantziaziorik ez bada. Beste diru-laguntzaren bat eskatu edo eskuratu badu, eskatzaileak horrela adieraziko du Udalari egiten dion eskabidean. Udalak diru-laguntza emango dio guztira dagokion ehunekoa osatu arteko kopuruarekin.

6. AURKEZTU BEHAR DIREN AGIRIAK

-  Eskabidea (beste diru-laguntzen aitorpenarekin)

-  Nortasun agiriaren fotokopia

-  Matrikularen ordainagiria

- Euskaltegiaren ziurtagiria (maila, datak, ordu kopurua, asistentzia...)

- Egoera bereziak egiaztatzeko agiriak: langabezia-txartela edo gizarte zerbitzuen txostena.