Udalaren ezohiko plenoa izango da ostegun honetan
2019/07/01
Zumaiako Udaleko ezohiko plenoa egingo da ostegun arratsaldean. Bilkura arratsaldeko 18.00etan hasiko da, udaletxeko pleno aretoan. Kargu hartzeko plenoaren osteko lehen osoko bilkura izango da; eta, besteak beste, batzordeen osaketa zein izango den adostuko da.
Ondorengoa izango da plenoko gai-ordena:
- Udal talde politikoen eta bakoitzaren bozeramaileen berri eman
- Batzorde informatibo iraunkorren eraketa eta osaketa
- Alkateak hartutako erabakien berri ematea, ondorengo gai hauetan:
- Alkateordearen izendapenak
- Tokiko Gobernu Batzarraren kideen izendapena eta maiztasuna
- Udal plenoaren batzarraldietarako maiztasuna
- Udalbatzako ordezkarien izendapena Udalak ordezkatua egon behar duen era guztietako organo kolegiatuetarako
- Udal ordezkarien ordainsariak
