Garbiketa eta irristadak ekiditeko lanak egiten ari da Udala herriko hainbat kaletan
2018/09/11
Helburua da espaloien egoera hobetu eta eremua oinezkoentzat seguruagoa eta erosoagoa bilakatzea.
Zumaia herri atsegin eta irisgarriagoa bilakatzeko konpromisoari helduta, irristakorrak diren herriko hainbat espaloi zein kaletan tratamendu zein garbiketa lanetan dihardu Udalak, bereziki udazken eta neguari begira, egun euritsuetan gertatzen diren erorketak zein irristadak ekiditeko.
Ildo horretan astelehenean Amaia Plaza eremuan burutu zituen aipatu lanak eta asteazkenean Zuloaga parkean jarraituko du prozesu berarekin.
Helburua da, espaloien egoera hobetuz, Zumaia oinezkoentzat seguruagoa eta erosoagoa bilakatzea.
