Gizarte zerbitzuen alorrean lan egiten duten elkarteentzako diru-laguntzen oinarriak onartu ditu Udalak

Gizarte Zerbitzuen alorrean lan egiten duten elkarteentzako diru-laguntzen oinarriek behin-betiko onarpena jaso dute dagoeneko. Irabazi asmorik gabeko elkarteei zuzenduta daude diru-laguntza hauek eta azaroaren 10ean amaituko da eskariak aurkezteko epea.

Elkarteek honako baldintzak bete beharko dituzte, besteak beste, diru-laguntza eskuratu ahal izateko: elkartea legez eratua izatea, jarduerak Zumaiako udalerrian edo eskualdean garatzea, irabazi asmorik ez izatea eta helburuak bete­tzeko lain azpiegitura antolatua izatea, eta beharrezkoa den lan esperien­tzia egiazta­tzea. Horretaz aparte, eta hala badagokio, lurralde mailakoek ere eskatu ahal izango dituzte, beren jarduerek udal-eremua gaindi­tzen dutenean, eta eskabide zein beharrek udalerrian baliabide zeha­tzen hornidura eska­tzen ez dutenean.

Aurkeztu beharreko dokumentazioa

Diru-lagun­tza eskaerarekin batera, honako dokumentu hauek aurkeztu beharko dira:

- Eskaera-orria betea eta ekin­tzen eskaera orria betea (Eskaera orriak hemen).
- Eusko Jaurlari­tzako Elkarte eta Erakundeen erregistroan izena emanda dagoela ziurta­tzen duen agiria
- Ekin­tzei buruzko –fitxa, Ogasuna eta Gizarte Seguran­tza­rekiko betebehar fiskalak eguneratuta daudela ziurtatzen duen agiria
- Identifikazio Fiskalaren kodearen fotokopia
- Suben­tziona­tzea nahi den programa edo ekin­tza­ren txos­ten zeha­tza
- Dirulagun­tza eska­tzen deneko programaren aurrekontua
- Erakundearen urteko aurrekontua.

Dokumentazio guztia udaletxeko Errolda Nagusian aurkeztu beharko da, azaroaren 10a baino lehen.

Horrekin batera, irekita dago adineko pertsonekin lan egiten duten elkarteei zuzendutako diru-laguntza eskariak egiteko epea ere. Dirulagun­tza hauek udalerriko herritarren­tzat diren jardueren garapena finan­tza­tzeko izango dira. Kasu honetan ere, azaroaren 10a izango da eskariak aurkezteko azkeneko eguna.

Diru-laguntzen oinarriak eta eskaera orriak hemen aurkituko dituzu.