Hankak lurrean, Flysch-a airetik ikusteko aukera
Santelmo ermita ondotik mugitu ere egin gabe, mugikorraren bidez Flysch-a eta marearteko zabalgunea zerutik ikusteko aukera paregabea jarri dute Zumaiako Udalak eta Geoparkeak elkarlanean.
Pasatu den ostiraletik, hilaren 7tik, San Telmo ermitatik Flysch-a airetik ikusteko aukera dago, hankak lurretik mugitu ere egin gabe; hori posible egiteko panel edota totem bat ezarri da. Totem horretara heldu eta bertan adierazitako pauso erraz batzuei jarraitu behar zaie (bertan irudi bidez dago zehaztuta), eta Flysch-aren beste ikuspegi bat ikus dezakezu minutu eta erdian.
Aukera edota zerbitzu berri hori ezarrita, Flysch-aren ondare geologiko eta paisajistikoari garrantzia emateaz gain, Flysch-aren eta marearteko zabalgunearen beste ikuspegi bat eskaini nahi zaie bertaratzen direnei.
Jarraitu beharreko pausoak
- Deskargatu zure telefono mugikorrera magicfly aplikazioa, google play edota Apple store-ren bidez.
- Deskargatuta aplikazioarekin eskaneatu panelean dagoen QR kodigoa.
- Eskaneatu bezain pronto, Flyscharen bestelako ikuspegi bat emango dizun 1:30 minutu inguruko iraupena duen bideo bat ikusi ahal izango duzu.
- Bukatzean, Selfie bat egiteko gonbita pasatuko dizu. Atera selfie polit bat paraje horretan.
- Zabaldu zure sare sozial gogokoenetan selfia.
