'Hil arte bizi' antzerkirako sarrerak salgai
Ostiralean, hilak 24, 'Hil arte bizi' antzezlana izango da Aita Mari zinema aretoan, 22:00etatik aurrera.
Dagoeneko, salgai daude ostiral honetan, hilak 24, izango den 'Hil arte bizi' antzezlaneko sarrerak, Turismo bulegoan. Antzerkia, 22:00etatik aurrera izango da Aita Mari aretoan.
Sinopsia:
Hil arte bizi adiskidetasunaren mugen inguruan egiten den hausnarketa bat da. Nacho, Angel eta Maria. Bi gizon eta emakume bat eta jakina…gutxienez pare bat maitasun istorio. Hiru lagun, betiko lagunak, betirako lagunak…edo ez. Zerbait gertatuko da. Larria izango da beraien adiskidetasuna kolokan jarriko badu. Zer egingo zenuke zure bikoteak zure lagun onenarekin alde egingo balu? Biei barkatuko zenieke? Bietako bati? Zeini? Eta heriotza tartean bada…dena ezberdin ikusten da? Edozer barka zenezake maitasunagatik? Eta adiskidetasunagatik? Min egitea baino egia ezkutatzea hobea da?
Zein da zure aukera? Hil arte bizi.
Hil arte bizi heriotzaz hitz egiten duen komedia eta adiskidetasunaz jardungo den tragedia da. Bizitzeko gogoaz ari den tragikomedia.
