Igandean, Altxorraren bila jokoa egingo da haurrentzat Algorrin
2014/06/26
Aurrez izena eman beharko da ekintzan parte hartzeko, plaza mugatuak baitira.
Hilero Algorri Interpretazio Zentroan antolatzen dituzten doako ekintzen baitan igandean, ekainak 29, haurrentzako Altxorraren bila jokoa egingo da. Sanpedro festekin bat eginez antolatu da.
Jolasa zentroan bertan hasiko da goizeko 11:00etan eta eguerdiko 13:00etan amaituko da. Bertan Zumaiako historiaren eta naturaren inguruko hainbat froga eta jolas egingo dituzte haurrek.
Altxorraren bila jolasean parte hartzeko beharrezkoa da aurrez izena ematea, parte hartze kopurua mugatua baita. Izena Algorri Interpretazio Zentroan (Juan Belmonte kalea, 21), 943 14 31 00 telefonora deituz edota info@algorri.eu helbidera idatziz eman daiteke.
