Igerilekuko segurtasuna bermatuta, irekiko da igandean
Igeriketa ikastaroak ere ohiko martxan emango dira astelehenetik aurrera
Astearte eguerditik itxita izan da Lubaki kiroldegiko igerilekua, sabai faltsua behera etorri ostean. Igerileku osoko sabai faltsua kendu dute udaletxeko brigada eta kiroldegiko mantenuaz arduratzen diren langileek, segurtasuna bermatu eta igerilekua lehenbailehen irekitzeko. Lanak bukatu dituzte, eta igandean, otsailak 9, hasiko da abian berriro. Orain, horrelaxe utziko da, igerilekuaren oinarria ikusten dela, segurtasuna bermatuta dago, eta inolako arazorik gabe erabil daiteke igerilekua. Hala ere, aztertu egingo dute etorkizunean zerbait egin edo horrela utzi behar den, eta neurriren bat hartzekotan, ekainean mantenu lanetarako itxita izaten den epealdia aprobetxatuko dute egin beharreko lanak egiteko.
Ikastaroak, astelehenetik abian
Asteartetik igeriketa ikastarorik ez da izan igerilekuan, baina behin arazoa konponduta, datorren astelehenetik, otsailak 10, ohiko martxan hasiko dira igeriketa ikastaro guztiak.
