Indarkeria matxista prebenitzeko karpa Santelmoetan
Karpa Saregileen plazan egongo da Santelmoetako 2 larunbatetan, 19:00etatik 21:00etara eta 23:00etatik 02:00etara. Bertan aurkituko dituzue panel informatiboak, eskuorriak, arbela, txapa makina… Karpa 12 urtetik gorakoei zuzenduta dago.
Indarkeria matxista prebenitzeko karpa ezarriko da Santelmoetan.
Honako helburuak izango ditu karpak:
- Emakumeak eta herritarrak oro har indarkeria matxistaren gaiaz kontzientziatzea.
- Emakumeek jaietan indarkeria matxistarekiko dituzten bizipen, iritzi eta interesak jasotzea.
- Babes eta elkartasun gunea irudikatzea eta indarkeriari aurre egiteko bitartekoak erratuko dituen erreferentzia gunea sortzea.
- Erasotzaile izan daitezkeenei dena libre ez dela eta erasoak dauden kasuetan erantzuna izango dutela ohartaraztea.
- Emakumeek beren burua defendatzeko duten gaitasunaz jabearaztea eta horretarako bitarteko eta lan tresnak eskaintzea.
- Maitasun erromantikoaren eredua zalantzan jarri eta plazerean oinarritutako harreman osasuntsuak bultzatzea.
Karpa Saregileen plazan egongo da Santelmoetako 2 larunbatetan, 19:00etatik 21:00etara eta 23:00etatik 02:00etara. Bertan aurkituko dituzue panel informatiboak, eskuorriak, arbela, txapa makina… Karpa 12 urtetik gorakoei zuzenduta dago.
Aipatu karpa jartzeko diru-laguntza Espainiako gobernuak eman du.