Ingurumen hezkuntzako doako tailerra, Algorrin

Urtero bezala, Aste Santuetako oporrekin eta Santelmoekin bat eginda, apirilaren 11n eta 13an, asteazken eta ostiralean, ingurumen hezkuntzako doako tailerrak eskainiko dira Algorri Interpretazio Zentroan. Ekintzak 6-12 urte bitarteko haurrei zuzenduta daude eta Zumaiako ekosistema naturalekin lotura duen Altxorraren bila jolasa burutuko da, goizeko 10:00etatik eguerdiko 13:00ak arte. Bi egunetan jarduera berdina eskainiko da, eta aldez aurretik izena ematea gomendatzen da, parte hartzaileen kopurua mugatua baita. Izena emateko 943 143100 telefonora deitu edo algorri@zumaia.net helbidera idatzi behar da. Egun horietan haurrek hamaiketakoa ekartzea gomendatzen da. Anima zaitezte!