Irailaren 7an, astelehena, Santelmopea itxita izango da Zipi Zape pelikularen grabaketa dela eta
Zipi Zape pelikularen bigarren zatiaren amaiera Zumaian grabatuko dute. Hori dela eta, irailaren 7an Zipi Zape filmaren bigarren zatiaren grabaketa taldea Zumaian izango da.
Grabaketak astelehenean, egun osoan, egingo dira, herriko leku desberdinetan. Goizean, 8:00etatik 14:00etara bitartean San Telmo ermitatik Algorriko punta bitartean izango dira; gehien bat Itsas-ondo etxe inguruan ibiliko dira. Hiru minutuko grabaketak egingo dituzte baina denbora hori pasatu ostean jendeari pasatzen utziko diete.
Arratsaldean, marea baxua aprobetxatuko dute eta Santelmopean jarraituko dute lanean. 15:00etatik 20:00ak bitartean egingo dituzte grabaketak, eta tarte horretan Itzurungo alde hori itxita izango da.
Bukatzeko, berriro goizeko lekura itzuliko dira, San Telmo aldera, eta azken grabaketak egingo dituzte.
Egun horretan, Hondar-gaingo rotondako aparkalekuetan ezingo da aparkatu.
