Kalejiraren ondoren, gaur, abenduak 2, 'Euskararen jatorriaz etorkizunerantz abiatzen gaituen iragana' hitzaldia 18:30etatik aurrera Oxfrod aretoan
2013/12/02
Larunbat arratsean euskararen aldeko kalejira egin zen Zumaian. Bukaeran, Beheko plazan musika, dantza eta bertsoak izan ziren denen gozagarri. Gaur, abenduak 2, Jabier Goitia eta Patxi Alañaren eskutik 'Euskararen jatorriaz etorkizunerantz abiatzen gaituen iragana' hitzaldia izango da 18:30etatik aurrera Alondegiko Oxford aretoan. Bihar, berriz, Euskararen Nazioarteko Egunean, Julene Azpeitia literatur lehiaketako sari banaketa izango da 19:00etan. Ondoren, Yolanda Arrietaren literatura saioa, Juantxo Zeberio pianistarekin: Off-On emanaldia izango da.
