Martxoaren 8a iragartzeko kartel lehiaketa abian da
Kartelak aurkezteko azken eguna otsailaren 18a izango da.
Zumaiako Udalaren Berdintasun Sailak Martxoaren 8a iragartzeko kartela aukeratzeko lehiaketa jarri du abian. Lehiaketa zumaiarrei dago zuzendua, eta pertsona bakoitzak 3 lan aurkez daitezke gehienez, eta otsailaren 18a baino lehen aurkeztu beharko dira Alondegian.
Hona hemen oinarriak:
-Gaia eta karteleko testua: "martxoak 8- Emakumearen Nazioarteko Eguna.Zumaia 2013”.
-Zumaiarrei dago zuzendua, bakoitzak gehienez hiru lan aurkez ditzake.
-Teknika eta neurria: marrazkia(digital eran aurkeztuak ere ontzat ematen dira). Din A3 neurria(297x420mm).
-Egilearen izena eta datuak kartazal itxi batean ekarriko dira.
-Aurkezteko epea eta lekua: Alondegia Kultur Etxean, otsailaren18ra arte.
-Epaimahaia Berdintasun Sailak eta Berdintasun Foroak osatuko du eta saria 200 eurokoa da. Kartel irabazlea Udalaren esku geratuko da eta Emakumearen asteko egitaraua kaleratzeko erabiliko da.
-Aurkeztutako kartelekin erakusketa bat antolatuko da Forondan, eta irabazi ez duten kartelak erakusketa itxi eta hurrengo 15 egunetan zehar jasotzeko aukera izango da.
