Musika Jaialdi eta Euskal Jai egunaren balorazio positiboa
Kultura Sailak balorazio positiboa egiten du orain artean antolatutako Musika Jaialdi eta Euskal Jaiaren inguruan. Hemendik uda buka artean, raindik bada zer ikusi eta zer entzun Zumaian. Beraz, gozatu!
Musikaldia eta Euskal jaia pasa dira eta Udalaren kultur sailak eskerrak eman nahi dizkie bertan parte hartu duten denei. Udako programazioaren osagai garrantzitsuena diren bi ekimen hauei buruz oso balorazio ona egin du sailak eta eskaintzaren aniztasuna, kalitatea eta parte hartzea azpimarratu nahi ditu.
Ohar honen bidez eskerrak eman nahi dizkie egitaraua osatzen lagundu duten herriko musika elkarte eta aholkulariei, eta Musika Jaialdiaren aurtengo egitaraua osatu duten 11 ekitaldietan hurbildu diren guztiei. Euskal Jai egunari dagokionez, egun osoko jai egun hau ezinezkoa litzateke hori aurrera eramaten lagundu duten elkarteen lanik gabe, eta nola ez, jaia bere egin eta giro onean parte hartu dutenenik gabe, zumaiar nahiz kanpotik etorritako guztiei.
Udako agendan oraindik eskaintza ugari dago: kalean kontzertuak (15ean eta 23an), Oikiko jaiak, Kuadrila eguna,.. Gozatu Zumaiako udara!
DATOZEN EGUNOTAKO EGITARAUA
14, osteguna
19:00 Torreberrin, Kalean Topic txotxongilo zikloaren barne Anita Maravillas taldearen “Cabaret Fantastic”
15, ostirala
23:00 Eusebio Gurrutxaga plazan, Ginea KonakrykoTamala taldearen kontzertua
22-28, OIKIAKO JAIAK
23, larunbata
20:00 Mari kalean, Never Mind taldearen kontzertua
29, ostirala
23:00 Ganbara tabernan, Enrike Loyolaren bakarrizketa
30, larunbata -KOADRILA EGUNA-
Egunean zehar hainbat ekitaldi (ikusi programa) Tartean:
9:00 Goitibehera jaitsiera
18:00 Haur festa DJPorrurekin
Jarraian apar festa
19:00 Zaparrada batukada taldea
22:30 Moilan, Rock kontzertuak
Ordu berean Eusebio Gurrutxagan, dantzaldia Basajaun taldearekin.
