Oinezkoen mesederako Santelmo kaleko pibotak kendu egin ditu Udalak
2009/04/27
Zumaiako Udalak Santelmo kaleko espaloien ertzetan zeuden pibotak kendu egin ditu. Espaloien dimentsioak kontuan hartuta, oinezkoei zailtasunak eragiten zizkieten pibota horiek eta horregatik erabaki da kentzea.
Herritarren parte-hartzeko zenbait foroetan ere pibota horiek kentzeko eskaria jasota zuen Udalak, aurrekontu parte-hartzaileen prozesuan kasu.
Oinezkoei pibotak kentzeak abantailak ekarriko badizkie ere, beharrezkoa da orain autogidariek oinezkoentzako pasabide horiek errespetatzea. Hortaz, Udalak oinezkoekiko errespetuz jokatzeko eskatu die gidariei.
