Presoen senitartekoentzako diru-laguntzak
EAEtik kanpoko epaitegietara auzipetu gisa joan beharra duten zumaiarrei ere eskainiko zaie diru-laguntza. Abuztuaren 5ean argitaratu zen diru-laguntzak erregulatzeko araudia Gipuzkoako Aldizkari Ofizialean eta eskariak aurkezteko epea irekita dago.
Zumaiako Udalak diruz lagunduko ditu, familiako kideren bat –zigortuta edo espetxeratze prebentiboan– Euskal Autonomia Erkidegotik kanpoko espetxeren batean dutenek, horiek ikustera joandakoan, izango dituzten gastuak. Ildo beretik, EAEtik kanpoko epaitegietara auzipetu gisa joan beharra duten zumaiarrei ere diru-laguntza eskainiko die.
Joan den abuztuaren 5ean argitaratu den diru-laguntza horiek erregulatzeko araudia Gipuzkoako Aldizkari Ofizialean eta eskariak aurkezteko epea zabalik dago. Horretarako Branka Gizarte Zerbitzuen egoitzara joan beharko da.
Deialdiaren oinarriak kontsultatzeko egin klik hemen.
