Santelmoetan edalontzi berrerabilgarriak erabiliz zaborra murrizteko deia egiten diete herritarrei tabernariek eta Udalak

Herriko tabernariek bat egin dute hondakin gutxiago sortu, berrerabili eta birziklatzeko Udalak aurrera daraman politikarekin, eta santelmoetan edalontzi berrerabilgarriak erabiltzeko deia egin dute.

Herriko tabernetan euro baten truke eros ahal izango dira edalontziak, eta bueltatzean dirua itzuliko da. Festak bukatzean edalontzi horiek Udalak jaso, garbitu, desinfektatu eta hurrengo baterako gordeko ditu.

Ekimen horrekin festetan erabiltzen diren plastikozko edalontzi kopurua murriztea eta edalontziak behin eta berriro berrerabiltzea da helburua. Festetan ere hondakinekin arduratsu jokatu behar da, eta “norbere ekintza txiki batekin asko lortu” daitekeela azpimarratu nahi dute Udaletik. Beraz, tabernariek eta Udalak herritarrei dei egiten diete santelmoetan edalontzi berrerabilgarriak erabiliz zaborra murrizteko.

Honako taberna hauek izango dituzte edalontziak:

Leize

Txikixa

Kresala

Ihintza

Nikol

Ganbara

Itzurun

Tximista

Justa

Inper

Kalari

Metro

Zalla

Gure Txokoa

Goiko

Algorri