SAREGILEEN PLAZAN OINEZKOEN SEGURTASUNA BERMATZEKO NEURRIAK HARTU DITU UDALAK
Plazako zutabeen altuera murriztuko da oinezkoen segurtasuna bermatu eta era berean, ibilgailuen ikuspen-baldintzak hobetzeko.
Herritarron segurtasuna bermatzen--Garantizando la seguridad de los ciudadanoshttps://t.co/QeMqUwFMIG
— Zumaiako Udala (@ZumaiakoUdala) 29 de noviembre de 2016
Horrela geratuko da Saregileen plaza. pic.twitter.com/OjiYAjtAHx
Gaur goizean bertan hasi dira Saregileen plazan oinezkoen segurtasuna bermatzeko egokitzapen lanak. Jakina da plaza horretan dauden zutabeek bertatik igarotzen diren ibilgailuen ikuspen-baldintzak oztopatzen dituela. Ondorioz, autoek ez dituzte zebra-bidetik igarotzen diren oinezkoak behar bezala ikusten, haien segurtasuna arriskuan jarriz.
Egoera honen aurrean Udalak neurriak hartu ditu nagusiki herritarren segurtasuna bermatu eta, era berean, ibilgailuen ikuspen-baldintzak hobetzeko. Horretarako, zutabe horien altuera murriztuko du eta bide batez, eremua apaintzeko hainbat lore ere jarriko ditu.
