Uretako puzgarriak izango dira ostiralean, igerilekuan, eta ondoren, astebetez itxi egingo da
2014/06/19
15:00etatik 18:00etara bitartean izango da jolaserako aukera, eta bazkideek eta ikasturtean jardueraren batean parte hartu dutenek ez dute sarrerarik ordaindu beharko. Jarduera horren ostean, kiroldegia itxi egingo da astebetez (ekainaren 30a arte), mantenu lanak egiteko. Bitarte horretan bazkideek Azpeitiko kiroldegia erabiltzeko aukera izango dute (bertako bazkideen baldintza berdinekin). Aurrez, ordea, Zumaiako kiroldegian idatzi bat eskatu beharko dute. Azpeitiko kirol patronatuak (igerleku eta kiroldegiak) eskaintzen dituen zerbitzuen berri izan nahi duenak info@lubaki.eu helbidera idatzi beharko du. Edota Azpeitiko kiroldegi (943 81 30 69) edo igerilekura ( 943 81 41 21) deitu.
