Bildu, lehen indarra Zumaian
6 zinegotzi lortu ditu Bildu koalizioak Zumaiako Udalean. EAJ izan da bigarren indarra 5 zinegotzirekin. PSE-EE eta Aralarrek zinegotzi bana izango dute.
Atzo, maiatzak 22, Udal eta Foru hauteskundeetarako bozka eguna izan zen. Zumaian, Bildukoa izan zen zerrendarik bozkatuena 2.057 botorekin. Botoen % 43,19a jaso zuen koalizioak. Bigarren bozkatuena EAJ alderdia izan zen 1.480 botorekin. Alderdi horren alde egin zuten boto emaileen %31,07ak. PSE-EE eta Aralar alderdiek, 512 eta 335 boto jaso zituzten hurrenez hurren. Hamaika 1! eta PPk, aldiz, 155 eta 144 boto lortu zituzten. Abstentzioa % 34,46koa izan zen herrian.
Zinegotzi kopuruari dagokionez, Bilduk izango du Udalean ordezkari gehien, 6 zinegotzi izango baititu. EAJtak, 5 izango ditu, eta PSE-EE eta Aralarrek ordezkari bana izango dute. Hamaika 1! eta PPk ez dute ordezkaririk lortu Zumaian.
Datorren legegintzaldiko ordezkarien kargua-hartzeko plenoa ekainaren 11n egingo da. Alkatetza lortzeko, lehen bozketan gehiengo osoa beharko da. Inork ez badu gehiengorik lortzen, hauteskundeetan botu gehien lortu dituen zerrendaren burua izendatuko da alkate.
Datuak:
| Alderdia | Botu kopurua | Zinegotzi kopurua |
| Bildu | 2.057 | 6 |
| EAJ-PNV | 1.480 | 5 |
| PSE-EE | 512 | 1 |
| Aralar | 335 | 1 |
| Hamaika 1! | 155 | - |
| PP | 144 | - |
Zinegotziak:
Bildu:
1. Iñaki Agirrezabalaga.
2. Acis Alberdi.
3. Maitane Agirre.
4. Iñaki Ostolaza.
5. Arritokieta Gonzalez.
6. Eneko Agirre.
EAJ:
1. Montse Arana.
2. Miren Edurne Egaña.
3. Juan Carlos Zendoia.
4. Ana Arranz.
5. Isidro Maria Fernandez.
PSE-EE:
1. Emiliano Cabañas.
Aralar:
1. Aitor Leiza.
