Lanbideren bitartez, Zumaiako Udaleko arkitekto tekniko bat kontratatzeko deialdia.

Deialdiaren xedea da, lehiaketa bidez, Zumaiako Udaleko zerbitzuetako teknikari bat: arkitekto tekniko bat, aldi baterako kontratatzea. Lehenik eta behin, baja egoeran dagoen arkitekto tekniko bat ordezkatuko du eta ondoren, 6 hilabetez, sailean errefortzu gisa arituko da. Bide batez, zerbitzuan oporrengatik eta, bestelako arrazoiengatik sortzen diren aldi baterako beharrak betetzeko lan poltsa bat sortuko da, baina kontratazioak egiteko beti ere lehenetsiko dira bai Zumaiako Udalaren aldetik bai bestelako toki-administrazioen aldetik deialdi honetako plazaren profil berdinekoak edo parekoak diren plazak betetzeko egindako oposizio-lehiaketa bidezko prozesuetatik sortutako lan-poltsak. Ondorioz, prozesu honetatik sortutako lanpoltsa osagarria izango da.