Berdintasun Foroa

Zer da berdintasun Foroa?

Zumaiako Berdintasun Foroa organo aholkularia, kontsultarakoa, informatzailea eta ekintzen sustatzailea eta behatzailea da, horien bidez emakumeen eta gizonen arteko aukera berdintasuna lortzeko eta emakumeen partaidetza bultzatzeko, udalerriko bizitza politikoan, kulturalean, ekonomikoan eta sozialean.

Udalaren gobernu-organoek aintzat hartuko dituzte kontseiluak egindako proposamenak eta hartutako erabakiak eta organo horiek erantzun arrazoitua eman beharko diete baztertzen edo aldatzen diren erabaki edo proposamen guztiei.

Zertarako?

  • Parekidetasunaren alde bideak irekitzeko Zumaiako Udalean eragiteko politika feministak sustatu dezaten.

  • Emakumeen egoerari buruz hausnartzeko eta aldaketak proposatzeko.

  • Zeure buruaren jabe izateko.

  • Emakumeen presentzia eta parte-hartzea areagotzeko…

Berdintasun Foroaren oinarrizko helburuak:

  • Herritarren partaidetza, eta bereziki Zumaiako emakumeena bultzatu udalerriko arlo politikoan, kulturalean, sozialean eta ekonomikoan, ordezkatzen dituzten elkarte eta erakundeen bidez.

  • Emakumeen lanaren aitorpena bultzatu, bai aukera berdintasuna lortzeko, bai emakumeen eskubideak defendatzeko, eta bai gizarteko hainbat arlotan benetan parte hartzeko.

  • Emakumeen elkartegintza sustatu.

  • Udal politikak eta zerbitzuak emakumeen eta gizonen aukera berdintasuna berma dezaten behatu.

  • Emakumeen eta gizonen partaidetzaren oreka kualitatibo eta kuantitatiboa bultzatu hainbat arlotan: udal bizitzan, kulturan, politikan, gizartean, lanean, ekonomian, etab.

  • Udaleko berdintasun politikari buruzko hausnarketarako eta iritziak elkartrukatzeko gune izatea.

  • Zumaiako emakumeen beharrak identifikatzea.

  • Politika eta mugimendu feministari buruzko hausnarketarako topaleku izatea.

Noiz elkartzen gara?

3 hilean behin, gutxi gorabehera, 18:00tik 20:00ra.

Non? Zumaiako Emakumeon* Etxean.

Elkarteei eta herritarrei dei egin nahi diegu bertan parte hartzera eta gaiaren inguruko ideiak eta proposamenak egitera.
FOROAN parte hartu nahi baduzu, Udaleko 943 865025 telefonora deitu edo berdintasuna@zumaia.eus helbidera mezu bat bidali.