Bainua debekatuta Santiago hondartzan eta errioan

2023/08/31

Zumaiako Santiago hondartzan eta errioan bainua debekatu du Osasun Sailak, araudian ezarritako kalitate-irizpide mikrobiologikoak puntualki ez betetzeagatik.

Osasun Sailak egindako ur-analisiaren emaitzen arabera, Santiago hondartzako uretan E. coli bakteriaren onartutako muga gainditu da. Beraz, Osasun Sailak emandako irizpideei jarraiki, bainua eta uretako bestelako jarduerak debekatuta egongo dira uraren kalitatea hobetu bitartean, hondartzan bertan zein errioan.

Ostiral honetan beste lagin baten emaitzen berri izango du Osasun Sailak, eta emaitzaren zain egon beharko da uraren kalitatea bainatzeko modukoa den ala ez jakiteko. 

Bainua debekatuta Santiago hondartzan eta errioan