Bandera horia Santiago hondartzan
Aste honetan zehar hartutako laginetan enterococcus bakterioa topatu dute. Kopuruak behera egin badu ere, Osasun Sailak bainua kontuz hartzeko eskatzen die herritarrei: bainu motzak hartzea da gomendioa, eta, uretatik ateratzean, ondo dutxatzea.
Osasun Sailak egindako ur-analisiaren emaitzen arabera, Santiago hondartzako uretan Enterococcus bakteriaren gomendatutako muga gainditu da aste honetan, seguraski, egindako euriteengatik. Ostegunean hartutako laginen arabera, bakteriaren kopuruak behera egin badu ere, oraindik uraren kalitatea ez da behar bezain ona.
Horiek horrela, bainua hartu badaiteke ere, Osasun Sailak ondoko gomendioa egin die herritarrei: bainu motzak hartzea, eta, uretatik ateratzean, ondo dutxatzea. Santiago hondartzako sorosleek bozgorailuetatik jakinaraziko dute aldaketarik baldin badago.
Albiste erlazionatuak
Hondartzak
- Santiago eta Itzurun hondartzetako kantinak kudeatzeko proposamenak aurkez daitezke jada 2026/02/16
- Santiago hondartzako Portutxiki kantina kudeatzeko proposamenak egiteko epea zabalik, otsailaren 5era are 2026/01/30
- Santiagoko dunatik landare exotikoak zein inbaditzaileak erauzteko bigarren saio bat egingo dute irailaren 6an 2025/09/01
- Itzurunbidea guztiz itxita egongo da ostiral honetan (uztailak 4), igogailuaren egituraren margoketa-lanak tarteko 2025/07/03
