Udal ordainketak Bizum sistemaren bidez egiteko aukera izango dute zumaiarrek aurrerantzean

2022/06/03

Zergak, tasak eta isunak ordaindu daitezke sistema honen bidez, kreditu txartela erabili behar izanik gabe.

Zumaiako Udalak Bizum bidezko ordainketa sistema jarri du martxan, herritarrei ordainketak egiteko erraztasunak emateko helburuarekin, eguneroko izapideetan teknologia berriak txertatuz. Agiriak helbideratu gabe izanez gero, zergak eta tasak ordaintzeko aukera berri bat izango da honakoa (edozein VISA txartelekin ere egin daitezke halako ordainketak). Isunak ordaintzeko ere balioko du sistemak.
 

> Nola erabili Bizum sistema Udalari ordainketak egiteko?

Udalari Bizum bidezko ordainketa Euskal Administrazioaren ordainketa pasabide bitartez egin behar da, eta sistema erraza eta segurua da. Honakoak dira jarraitu beharreko pausoak:
  1. Nire Ordainketa webgunean ordainagiria identifikatu (zenbakia jarri)
  2. Finantza erakundea aukeratu
  3. Dirua kargatuko zaion erabiltzailearen telefonoa sartu
  4. Sistemak bidalitako gakoa sartu

> Udal tasa, zerga eta isunak ordaintzeko moduak

Honako aukerak daude udal tasa, zerga eta isunak ordaintzeko:

  • Ordainketa helbideratuta baldin baduzu, bankutik pasako zaizu zenbatekoa
  • Ordainagiria jasotzen baduzu, hiru modu dituzu ordainketa egiteko:
    • Aurrez aurre: banketxera joan eta ordainagiria ordaindu. Honako banketxeetan egin daiteke ordainketa: Kutxa, Laboral Kutxa, Caja Rural, La Caixa, Santander, Sabadell eta BBVA.
    • Online: Nire Ordainketa webgunean. 
      • VISA txartelarekin
      • Bizum sistemaren bidez egin daiteke.
Udal ordainketak Bizum sistemaren bidez egiteko aukera izango dute zumaiarrek aurrerantzean