Flysch Trail lasterketa antolatzeko bilera irekia izango da astezken honetan, 18:00etan udaletxean
Kirol probaren inguruan interesa duen herritar oro dago gonbidatuta.
Hamahiru urtez Flysch kirol elkartea arduratu da Flysch Trail mendi lasterketaren antolaketaz, baina, arrazoi desberdinak medio, antolakuntzaren erreleboa Zumaiako Udalari ematea erabaki zuten iaz. Hori horrela, beharrezko informazio trukaketa egin ondotik, 2023ko Flysch Trail lasterketa Zumaiako Udalak antolatuko du. Urriaren 8an izango da XIV. edizioa.
Antolaketan egongo den aldaketa probestuta, Zumaiako Udalak kirol probaren inguruko hausnarketa egin nahi du herritarrekin batera, Flysch Trail mendi lasterketaren izaera, helburuak eta ezaugarriak zumaiar guztien artean zehaztu daitezen. Horretarako, kirol proba honetan interesa duten herritar guztiekin bilduko dira udal ordezkari eta teknikariak. Bilera asteazken honetan (ekainak 21) izango da, 18:00etan udaletxeko pleno aretoan.
Albiste erlazionatuak
Kirolak
- Larunbateko arraunlari beteranoen estropada dela-eta kontutan hartu beharrekoak 2024/07/18
- Zumaiako Udalak futbol-zelaira sartzeko bide egokiak erabiltzea eskatzen du 2024/07/01
- Uztailaren 12an amaituko da datorren ikasturteko haurren igeriketa ikastaroetan izena emateko epea 2024/06/28
- Futbol zelaiko argiteria LED teknologiara aldatzen ari da Udala 2024/06/06