Zumaiako Udal Liburutegiak itxita jarraituko du Jaurlaritzaren baimena iritsi bitartean
Zumaiako Udala Eusko Jaurlaritzaren baimenaren zain dago liburutegiko zerbitzuak pixkanaka martxan jartzeko. Maileguak itzultzeko epea ekainaren 15era arte luzatu zutela ere oroitarazi dute.
Zumaiako liburuzainek prest dute liburutegiko zerbitzuak martxan jartzeko fasekako protokoloa, baina oraindik ez dute horretarako Jaurlaritzaren baimenik jaso. Baimena eduki bezain pronto herritarrei jakinaraziko dizkiete liburutegiko zerbitzuak erabiltzeko jarraibideak.
Horrez gain, maileguak itzultzeko epeak ekainaren 15era luzatuta daudela adierazi dute liburuzainek.
Maileguak itzultzeko aukera
Tarte honetan, herritarrek liburuak eta bestelako maileguak itzuli ditzakete Alondegiko sarrerako postontzian utzita. Izan ere, gaurtik irekita dago Alondegiko igogailua, eta ondorioz, baita sarrera ere. Edozein kasutan, ez da beharrezkoa itzulketarik egitea, maileguak itzultzeko epeak ekainaren 15era arte luzatu zituztelako.
Liburuak itzultzekotan, Alondegiko sarrerako postontzian utzi beharko dira. Horretarako, liburua postontzian sartu aurretik eta ostean, igogailuaren ondoan dagoen xaboiarekin eskuak garbitu beharko dituzte herritarrek.
Albiste erlazionatuak
Covid19
- COVID ziurtagiria dela-eta, Zumaiako Udalaren oharrak 2021/12/16
- Kiroldegian eta kultur ekitaldietan ohiko funtzionamendua berrezarriko da ostiral honetan 2021/10/07
- Zabalik dago ekintzailetasuna, enplegua, inbertsioak eta lehiakortasuna hobetzeko egitasmoak sustatzeko dirulaguntzen deialdia 2021/08/06
- Aurtengo udan ere betetze maila neurtuko da Zumaiako hondartzetan 2021/06/11