COVID ziurtagiria dela-eta, Zumaiako Udalaren oharrak

2021/12/16

Eremu itxietan egiten diren kultur ekitaldiak ikusteko edota kiroldegira joateko, besteak beste, beharrezkoa izango da ziurtagiriai eta NAN agiria erakustea (hala eskatzen dutenei sarreraren zenbatekoa itzuliko die Udalak). Bestalde, Beheko Plaza jubilatuen elkarteak pasaportea lortzeko laguntza eskainiko du abenduaren 17an, 20an 21ean eta 22an.

Lehendakaritzaren 47/2021 dekretuaren aginduz, urtarrilaren 31ra bitartean derrigorrezkoa izango da COVID19 Ziurtagiri Digitala eremu itxietan egiten diren jarduera eta ekitaldietan parte hartzeko, hala nola, kultur ekitaldietan, zine emanaldietan, frontoian zein kiroldegian.

Hori horrela izanik, Zumaiako Udalak COVID19 Ziurtagiria eskatuko du datozen asteotan eremu itxietan egingo diren ekitaldi guztietan. 12 urtetik gorako herritar guztiek pasaportea erakutsi beharko dute sartzeko, NAN txartelarekin batera. Hori horrela izanik, Udalak herritarrei eskatzen die ekitaldietara garaiz joateko.

Sarrerak dituzten ekitaldien kasuan, Zumaiako Udalak sarreraren zenbatekoa itzuliko die hala eskatzen duten herritarrei. Mamma Mia ikuskizunaren kasuan, abenduaren 18ra bitartean (14:00ak arte) itzuliko dute zenbatekoa, turismo bulegoan. 

Ziurtagiria eskuratzeko laguntza

Beheko Plaza jubilatuen elkarteak, laguntza behar duten pertsona helduei COVID19 Ziurtagiri Digitala egiten lagunduko die datozen egunotan.

Abenduaren 17an, 20an, 21ean eta 22an Hogarreko Jubilatuen gelan egongo dira, 10:00etatik 12:00etara eta 16:00etatik 18:00etara.

COVID ziurtagiria dela-eta, Zumaiako Udalaren oharrak