Antzerkia haurrentzat: 'Alpha', Ganso & Cia

Noiz: Martxoak 14, igandea, 12:00. Sarrerak 4€, martxoak 6 larunbatetik, Turismo bulegoan
Non: Aita Mari antzokia

Alpha: lo egiteko ordua. Kontzientziatik ametsen mundura igarotzeko une berezi horretan, bere fantasien biktima den pertsonai baten bizipen komikoak, beldur eta sentimendu unibertsalei buruz barre egiteko aukera eskainiz.

Sarrerak aurrez hartu behar dira. 4€, Turismo bulegoan

Antzerkietarako ez da irekiko Aita Mariko takilla

5 urtetik gorako haurrentzat

Argia itzaltzen denean, itzalak esnatzen dira.
Argia itzaltzen denean, ametsek txistu egiten dute.
Argia itzaltzen denean, dena infinitua da.
Argia itzaltzen denean, lo egiteko ordua da.

“Ikusten dugun guztia amets baten barne dagoen ametsa baino ez da.”
Edgar Allan Poe

Lo egitea behar fisiologiko bat da. Egunero errepikatzen dugun errutina, gehienetan atsegina. Lo egiten dugunean, gure subkontzienteak atea erdi zabalik uzten du, bidea libre utziz amets ilunei, ahaztutako oroitzapenei edota nahi gabeko fantasiei.

ALPHAk kontzientziatik ametsen mundura igarotzeko une hori isladatzen du. Bere fantasien biktima den pertsonai baten bizipen komikoak kontatzen dizkigu, beldur eta sentimendu unibertsalei buruz barre egiteko aukera eskainiz.