Antzerkia:'Hysteria', Eromen produkzioak

Noiz
Non: Aita Mari

[*Erne, martxoak 9 data berria] Azpeitiko Antzerki Topaketetan publikoaren saria eskuratu zuen komedia gazi-gozo honek. Amancay Gaztañagaren lehenengo testu originalak “Histeria femeninoa” delako gaitz ezagunaren tratamentua behar duen emakume baten istorioa kontatzen digu. Zuzeneko musikak eta bost aktoreek sortutako magiaren bitartez, beste mundu batetara bidaiatuko dugu; pertsonaia xelebreek eta elegantziaz erabilitako baliabide teknikoek Anna O- ren gaitzaren sendabidearen bila eramango gaituzte. Sendatuko ote da Anna?

Sarrerak 6€/4€ Zumaiako Turismo Bulegoan

Antzerki konpainia baten entsaioan aurkitzen gara. Konpainiako kideek desadostasunak izan dituzte soldata ezberdinak jasotzen dituztela konturatu direnean. Bertako aktore baten gogoetak ametsetako bidaia batetara eramango gaitu.

Bertan ezagutuko ditugu: Bertha Papemheim pertsonaia historikoan oinarritutako Anna O, bera sendatzen saiatuko diren Mortimer eta bere ezohiko makina; Bertha, Mortimerren emazte zintzoa; etxera iritsi berri den X anderea; bere dirua sendabide bat aurkitzeko inbertituko duen kontea…

Egilea: Amancay Gaztañaga
Zuzendaria: Amancay Gaztañaga
Aktoreak: Ainhoa Casina, Mireia Galarza, Mikel Ibarguren, Manolo Gaztañaga, Olatz Aguado