Antzerkia: 'Konpromisoa', Txalo produkzioak

Noiz: Urtarrilak 30, LARUNBATA, 19:00. Sarrerak aurrez bakarrik (Turismo Bulegoan)
Non: Aita Mari

SARRERAK AGORTUTA!!!! [*Erne, SARRERAK AURREZ BAKARRIK, TURISMO BULEGOAN. Antzerkietan takilla itxita] Tomas eta German aspaldiko lagunak dira. Tomas sasi autore bat da eta German, bere lanbidean arrakasta handirik gabeko aktorea. Diru arazoak, aspaldiko sumindurak eta bai ala bai saldu beharreko apartamentu bat; horiei erantsi itxuraz tentel samarra den erosle bat. Korapilatzen joango den joko maltzur honetan nor ote egiazko biktima?

Sarrerak aurrez hartu behar dira 9,5€ Turismo Bulegoan (Gazte Txartelarekin 6€)

Turismo Bulegoko ordutegia: 10:00 - 14:00 eta 16:00 - 18:00. Igande arratsalde eta astelehenetan itxita.

Aita Mariko takilla itxita egongo da antzerkietan

Joseba Apaolaza, Ramon Agirre eta Zuhaitz Gurrutxaga aktoreak, Begoña Bilbaok zuzendutako komedian.

"Germanek arazo ekonomikoak dauzka eta bere apartamendua saldu beharra du bai ala bai. Pisua erosi nahi duen batekin tratua egiteko geratu da eta Tomasi laguntza eskatu dio. Izan ere, bere idazlanak maila eskasekoak izan arren, zintzo plantak egiten ez du parekorik. Bere dohainik handiena da. Eroslearekin tratua egiteko prest daude. Eroslea edo engainatuko duten inuzentea? Eroslearen zain dauden bitartean bi lagunak elkarri belarria goxatzen arituko dira, mokoka, adar jotzen. Baina, halako batean, egoerak okerrera egingo du. Aspaldi gordeta zeuzkaten erremin eta sumindurak elkarri botako dizkiote. Eroslea iristen denean, bi tratanteak eztabaidako punturik gordinean harrapatuko ditu. Erosleak ikusle soil baten jarrera hartuko du? Edo bi lagunen arteko sesioan, epaile lanak egingo ditu? Edo okerrenera, bien arteko joko maltzur horretan, biktima bihurtuko ote da?"