Dendaostekoak

Uxue Alberdiren Dendaostekoak liburuaren pasarteei soinu-banda sortu die Aitor Nova musikari elgoibartarrak. Saxofoia, organoa, ahotsa, aurrez garbaturiko josteko makinen hotsak eta looperra erabiltzen ditu giro inguratzaile-iradokitzailea sortzeko. Emanaldi honetan liburuko hainbat pasarte irakurtzen ditu Uxue Alberdik musikaz jantzita eta haietan oinarrituriko gaiak proposatzen dizkie ondoren bertsolariei, bat-batean aritu daitezen.

Musikak, literaturak eta bat-bateko bertsoek zeinek bere presentzia eta arnasa dute.

Kronika literarioa, memoria, umorea... josten ditu ikuskizunak.

Parte hartuko dute: Aitor Nova, Uxue Alberdi, Alaia Martin eta Ane Labaka.

Iraupena: 90 min

Nori zuzendua: Publiko zabalari