Haur antzerkia:'Inondik inora', Benetan Be

Noiz
Non: Aita Mari

Ez da lan makala postariok egin behar duguna, etxerik etxe, kalerik kale, mendirik mendi, bide, aire eta itsaso zabaletan zehar. Zuek bidalitako gutunak, postalak eta paketeak hartzailearengana garaiz helarazteko! Beti zehatz eta zorrotz. Ezin da inondik inora paketerik zabaldu, gutunik ireki edo postalik irakurri. Inondik inora ere ez. 'Inondik Inora' umorea eta poesia, musika zuzenean eta panpinak, euskara eta ingelesa uztartuz, jakinmina eta desobedientzia sustatzen dituen haurrentzako antzezlana da.

Familia antzerkia, 4 urtetik gora

Sarrerak 4€ Turismo bulegoan

Shel Silversteinen testuetatik abiatuz, hitzak, poemak, irudiak eta abestiak antzerki bihurtuta. Batzuetan clownarena egiten, bestetan bufoiarena. Aktoreek musika zuzenean jo eta abestuz, panpin eta txotxongiloekin batera, paraje ezezagun zoragarrietara eramaten dituzte ikusleak. Eurekiko konplizitate eta jolas estuan beti.

Euskal antzerkiaren sortzaile berriei laguntzeko Zubi deialdiaren bultzadarekin sortu da Inondik Inora proiektua eta Benetan Be ekimena.

Zuzendaritza: Patricia Urrutia

Aktoreak: Patricia Urrutia, Aiora Sedano, Jon Zumelaga