Kaleko pintura lehiaketa

Abuztuak 15 goizean adi, margolariak ibiliko dira herriko bazter guztietan 09:00-14:00 bitartean. Parte hartu nahi izanez gero, hemen lehiaketako oinarriak
Noiz 2018/08/15
09:00
Non Zumaia
Hitzordua egutegira gehitu vCal
iCal

Kaleko pintura lehiaketa 2018

OINARRIAK

Lehiaketa 2018ko abuztuaren 15ean egingo da.

Nahi duten guztiek har dezakete parte.

Lana, kalean eta Zumaiako lur eremuaren barne egin beharko da.

Teknika eta gaia aukeratzea parte-hartzaileen esku gelditzen da.

Lanerako euskarriak Oxford erakusketa aretoan zigilatuko dira goizeko 9etatik 11etara bitartean. Euskarriak, lanerako aurretik prestatuak eraman daitezke, baina ez da onartuko marrazki, zirrimarra edo marra aztarrenik edukitzea.  Euskarriak gogorra izan beharko du, ondoren izango den erakusketarako.

Bukatutako lanak Oxford aretoan (Alondegia kultur etxea) aurkeztuko dira 13:00etatik 14:00etara bitartean, egilearen datuekin batera.

Sari banaketa arratsaldeko 15:00ean izango da, eta epaimahaiaren erabakia apelaezina izango da.

Sariak honako hauek izango dira:

1. saria - 800  €

2. saria - 500  €

Saritu gabeko lehen zumaiarra - 300 €

16 urtetik beherakoen atala. Arte materialaz osatutako saria:

- Gaztetxoen saria: 12-16 urte bitarteko onenari.

- Haurren saria: 12 urte bitarteko onenari.

*Sariak ezin izango zaizkio eman egile berari bi lehiaketatan jarraian. Epaimahaiak eskubidea izango du sarietako edozein eman gabe uzteko.

Lehenengo bi lan sarituak, udalaren jabegora pasako dira.

Aurkeztutako lanekin erakusketa bat egingo da Oxford aretoan abuztuak 16tik irailak 2ra. Epaimahaiak aurkeztutako lanen aukeraketa bat egingo du erakusketarako.

Lehiaketa honetan parte hartzeak arau hauek guztiak onartzea dakar.

« Urria 2018 »
Urria
AlAsAzOgOrLrIg
1234567
891011121314
15161718192021
22232425262728
293031