Zinea eta Musika: "Un piano de cine"

Zinema mutuan pelikulak girotzen zituen piano-jotzailea gogoan, ibilbidea egingo dugu mugarri izan diren filmetako soinu-bandetan barrena. Musika eta zinema, pelikula bikainak edota musikagatik gogoangarriak, Jorge Gil  Zuluetaren pianoak lagunduta; eta zenbait kasutan berez soinua bazuten film zatiak, mutu, pianoak jantzita.

Ibilaldi honetan zehar omenaldiak Lumiére anaia aitzindariei, Chaplin handiari, Hitchcock suspentsearen maisuari edota Casablanca  ahaztezinari. Tartean izango dira The Sting (El golpe) pelikulako The Entertainer ragtime bizia eta Morricone ezinbestekoa.  

Eta ikuskizuna borobiltzeko, Chaplin a ritmo de ragtime: Charles Chaplinen film labur mutu bat, eta airean, garai batean egiten zen moduan, piano-jotzaileak inprobisatuko dituen blues, ragtime, boogie boogie eta jazz erritmo biziak.