Hondakinak gaika sailkatzeko sistema berriak sor ditzakeen zalantzak argitzeko informazio saioak egingo dira Zumaian
Saio informatiboak Oxford aretoan egingo dira abenduaren 12an eta abenduaren 28an, euskaraz eta gaztelaniaz, eta herritar orok izango du bertaratzeko aukera.
Urola Kostako Udal Elkarteak sustatu duen hondakinak biltzeko sistema berria datorren otsailaren 1ean sartuko da indarrean. Horren harira, abendua hasieran etxeetara bidalitako informazioa osatu eta zalantzak zein kezkak argitzeko helburuarekin informazio saioak egingo dira Zumaian. Saio horietan hainbat argibide emango ditugu: zerbitzu berriaren inguruko xehetasunak, hondakin organikoak eta errefusa biltzeko edukiontziak irekitzeko txartela (banaketa, nola erabili…), sistema berria jartzeko egutegia…
Saio informatiboak Oxford aretoan egingo dira, euskaraz eta gaztelaniaz, ondorengo egun eta ordutegian:
- Abenduaren 12an, 16.30ean (euskaraz), 18.00etan (euskaraz) eta 19.30ean (gaztelaniaz);
- Abenduaren 28an, 9.30ean (euskaraz), 11.00etan (gaztelaniaz) eta 12.30ean (euskaraz).
Udal Elkarteak herritarrak animatu nahi ditu saioetan parte hartzera, “laburrak eta argigarriak” izango direlako.
Urola Kostako bost herrietan martxan jarriko den sistema berriak hainbat abantaila izango ditu: baliabideak optimizatuko dira, birziklatzeko aukerak biderkatu eta errefusa gutxiago sortzeko aukera emango du. Helburua argia da, urtebetean %40ko sailkatze tasatik %60ra igotzea, eta hiru urtetan %75era.
Albiste erlazionatuak
Hondakin bilketa sistema
- Aldaketak hondakinen edukiontzi-gunetan, Frantziako Tourra dela-eta 2023/06/26
- Koronabirusaren hedapena saihesteko hondakinen bilketa zerbitzuan hartutako neurriak 2020/03/18
- La próxima semana comienza una campaña de sensibilización para impulsar el Nuevo Sistema de Recogida de Residuos 2018/04/06
- Hondakinak Biltzeko Sistema Berria indartzeko sentsibilizazio kanpaina hasiko da datorren astean herriz herri 2018/04/06