Azken erailketa matxista dela-eta, Zumaiako Udalaren adierazpena

2022/01/12

Zumaiako Udalak bat egiten du Mugimendu Feministak ostiral honetarako egindako elkarretaratze deialdiarekin.

Zumaiako Udalak gogor salatu nahi du Tuteran gertatutako erailketa sexista eta hildakoaren familia eta gertukoei elkartasun osoa adierazi nahi die.

Indarkeria sexistaren ondorioz urte honetan Euskal Herrian eraildako lehenengo emakumea da. Udalak argi utzi nahi du ez duela giza eskubideen urraketarik onartzen, ez Zumaian eta ez beste inon ere. Eta honen aurrean, herritar guztien inplikazioa eskatzen du. Izan ere, herritarron ardura ere bada indarkeria ororen aurrean jarrera aktiboan jokatzea.

Horrenbestez, Zumaiako Udalak bat egiten du Mugimendu Feministak egindako elkarretaratze deialdira eta dei egiten die herritar guztiei ekitaldi horietan parte hartzera. Elkarretaratzea ostiral honetan izango da, 20:00etan Saregileen plazan.

Azken erailketa matxista dela-eta, Zumaiako Udalaren adierazpena