Azken erailketa matxista dela-eta, Zumaiako Udalaren adierazpena
Zumaiako Udalak gogor salatu nahi du Donibane Lohizunen gertatutako erailketa matxista, eta hildakoaren familia eta gertukoei elkartasun osoa adierazi nahi die. Horrekin batera, bat egiten du Mugimendu Feministak gaur arratsalderako (asteartea) egindako elkarretaratze deialdiarekin; 19:30ean izango da, Saregileen plazan.
Zumaiako Udalak gogor salatu nahi du Donibane Lohizunen gertatutako erailketa sexista eta hildakoaren familia eta gertukoei elkartasun osoa adierazi nahi die.
Udalak argi utzi nahi du ez duela giza eskubideen urraketarik onartzen, ez Zumaian eta ez beste inon ere. Eta honen aurrean, herritar guztien inplikazioa eskatzen du. Izan ere, herritarron ardura ere bada indarkeria ororen aurrean jarrera aktiboan jokatzea.
Horrenbestez, Zumaiako Udalak bat egiten du Zumaiako Mugimendu Feministak egindako deialdiarekin eta herritar guztiei dei egiten die gaur, maiatzaren 7an, 19:30etan, Saregile plazan egingo den elkarretaratzean parte hartzera.
