Emakumeon* Etxearen topaketa egingo dute urriaren 5ean

2019/10/03
Zumaiako Emakumeon* Etxeko Elkarteko kideek egun osoko egitaraua antolatu dute urriaren 5ean, larunbatean, egingo duten topaketarako.

Emakumeon* Etxea Zumaian? Izenburupean, larunbaterako egun osoko topaketa antolatu du Zumaiako Emakumeon* Etxea Elkarteak. Topaketan horrelako espazio batek herrian izan ditzakeen onurak landuko dituzte. Oxforden eta Eusebio Gurrutxaga Plazan egingo dituzte ekintzak.

Egitaraua:

Oxford Aretoan

  • 10:00: Kafea eta ongietorria

  • 10:30: "La Casa de las Mujeres: Habitaciones propias para estar, ser y poder", Norma Vázquezen hitzaldia

  • 12:00: Inguruko etxeen esperientziak

Eusebio Gurrutxaga Plazan

  • 14:30: Bazkari herrikoia.

  • Bazkalostean, Euskal Herriko Jardunaldi Feministen eta Malen Etxearen inguruko solasaldia

  • 16:00: La Basurekin Rap Tailerra

  • 19:00: Ez da kasualitatea bertso saio musikatua. Gai-jartzailea Ane Labaka izango da, eta emanaldian, musikaz lagunduta, Onintza Enbeita, Saioa Alkaiza, Ainhoa Agirreazaldegi eta Uxue Alberdi bertsolariek kantatuko dute.