Festetan kaleko salmentan jarduteko baimenak eskatzeko epea otsailaren 14an zabalduko da

2022/02/11

Eskaera epea zabalik egongo da otsailaren 14tik martxoaren 4ra. Postuak jarriko dira, baldin eta momentuko osasun egoerak horretarako aukera ematen badu, eta bermatu badaiteke segurtasuneko eta higieneko arau guztiak beteko direla.

Santelmoetan eta sanpedroetan Gernika parkean salmenta postuak jartzeko baldintzak argitaratu ditu Zumaiak Udalak. Eskatzaile bakoitzari postu bakarra jartzea baimenduko zaio, eta gehienez 15 postu egotea baimenduko du Udalak. Baimena eskuratzen dutenek, bi jaietan postua jartzeko baimena izango dute. Prozesuaren epeen baldintzak direla-eta jarri du martxan prozesua Zumaiako Udalak, eta adierazten du postuak jarriko direla, baldin eta momentuko osasun egoerak horretarako aukera ematen badu.

Interesdunek baimen eskaera orria beteta aurkeztu beharko dute udaletxean edo modu telematikoan, bestelako dokumenturik gabe. Bertan, garbi utzi beharko dute postua jartzeko ezartzen diren baldintzak betetzen dituztela.

> Eskaera aurkezteko epea: otsailak 14-martxoak 4

Eskaerak aurkezteko epea amaituta, Udalak zozketa egingo du martxoaren 11n, eta martxoaren 14an baimendutakoen zerrenda argitaratuko du. Baimendutako eskatzaileek, martxoaren 15tik 31ra bitartean baldintzak betetzen dituztela frogatzen duten dokumentazioa eta ordain agiria aurkeztu beharko dituzte.

Baldintzak eta eskaera orria