Zumaiako Udalak bat egiten du Aintzane Pujanaren erailketa matxista salatzeko bihar egingo den mobilizazioarekin

2021/01/22

Zumaiako Udalak bat egiten du Mugimendu Feministak biharko egindako elkarretaratze deialdiarekin eta dei egiten die herritar guztiei bertan parte hartzera. Mobilizazioa 12:30ean izango da, Beheko plazan.

Zumaiako Udalak gogor salatu nahi du Aintzane Pujanaren erailketa sexista eta hildakoaren familia eta gertukoei elkartasun osoa adierazi nahi die.

Udalak argi utzi nahi du ez duela giza eskubideen urraketarik onartzen, ez Zumaian eta ez beste inon ere. Eta honen aurrean, herritar guztien inplikazioa eskatzen du. Izan ere, herritarron ardura ere bada indarkeria ororen aurrean jarrera aktiboan jokatzea.

Horrenbestez, Zumaiako Udalak bat egiten du Mugimendu Feministak bihar (urtarrilak 23, larunbata) 12:30erako egindako elkarretaratze deialdiarekin, eta dei egiten die herritar guztiei bertan parte hartzera.

Zumaiako Udalak bat egiten du Aintzane Pujanaren erailketa matxista salatzeko bihar egingo den mobilizazioarekin