Zumaiako Udalak gogor salatu nahi du Orion gertatutako erailketa sexista eta hildakoaren familia eta gertukoei elkartasun osoa adierazi nahi die

2023/05/17

Zumaiako Udalak dei egiten die herritarrei Urola Kostako Mugimendu Feministak egindako deialdiarekin bat egitera. Zumaian ostegunean izango da elkarretaratzea, 19:00etan Saregile plazan.

Zumaiako Udalak gogor salatu nahi du Orion gertatutako erailketa sexista eta hildakoaren familia eta gertukoei elkartasun osoa adierazi nahi die.

Indarkeria sexistaren ondorioz urte honetan Euskal Herrian eraildako lehenengo emakumea da. Udalak argi utzi nahi du ez duela giza eskubideen urraketarik onartzen, ez Zumaian eta ez beste inon ere. Eta honen aurrean, herritar guztien inplikazioa eskatzen du. Izan ere, herritarron ardura ere bada indarkeria ororen aurrean jarrera aktiboan jokatzea.

Horrenbestez, Zumaiako Udalak bat egiten du Urola Kostako Mugimendu Feministak egindako deialdiarekin eta herritar guztiei dei egiten die gaur, maiatzak 18, 19:00etan, Saregile plazan egingo den elkarretaratzean parte hartzera.

Zumaiako Udalak gogor salatu nahi du Orion gertatutako erailketa sexista eta hildakoaren familia eta gertukoei elkartasun osoa adierazi nahi die